News: Local | National | International

Meimlaba tajangzük

Ne chiyungtsü tzüma nung prokang; kechiaser nai anogo aika lir aji angutsü. Sayutsüngir 11: 1.

Ken kenbo ne Khrista temeimji nüburi magizüktetter. Saka meimchiri junger ta shidaktsütsübaji asenok tajungshibaji masutsüla. Khrista temeimi tangar dang meimtsü asenok ajungshir. Asenok temenen ajanga Tsüngrem nungi pilar aliba menen abentsü asoshi Yisu kotak nungi alu. Pai ibaji kangki nung aben aser Pa shia arudang leper nung toktsü.

Asen tsütsü Yisu taochi maneni alir. Asenoki Pai mulungba nung tashi mangaka aser Pa sempet magizüktetakasa Pai maneni asenok dang meimer. Tenüng sanga asenoki asen taküm agi Pa tenzüker, talisa Khristan taochi mapa inyakba ajanga. Asenoki aji taa meimlai aser tenüngsang kecha makai inyaker. Mathi 25 nung tatem anogo nung Kibubai asen mapa koda agizüktsü aji zülua lir. Miima inyakba Pai angur, Pai tebilemba metetter aser temulungjang nung jangraba angur. Aseni Pa tenzükbaji shingaia memetetaka Pai meteta lir aser agizüker. Shirnoki tamang agi Khrista tenzüker parnokjibo temoatsü, kechiaser mapang tetemsü nung Pai moatsütsü.

Home  |  Jokes  |  Readers Articles  |  Daily Devotion  |  About Us  |  About Nagaland  | Horoscope | Disclaimer  |  Feedback  |  Contact