News: Local | National | International

Tebudi stoke süadok

Kinunger    :     Onü! Ner kinungera ajak junga lidar südi?

Tenü          :     Aya!! Tenük tebang mali kinunger kechi o jembir.

Kinunger    :     Onü, yamaji kara tatukoto! Kechi asüar tanemi shiangma.

Tenü          :     Ari!! Ozü tebu yaküm October ita nung stroke sür Kohima nung anepaludang, saka majung, ano Guwahati Hospital-i bener ao idakjia kecha tajungba makümer, tasü taküm tsüngda ICU room nung dang mongyonga bener senzür joko Delhi Hospital tongogo. Joko mapang talangka pa takümji Oxygen agi dang sota alir, aser April ita 13 anogo nungang operation agitsü ta doctor-i shia lir. Pa taküm dangi shilanga arutsü asü oadoktsü memeteti terata ka nung atateper. Rongsena takaba ajunga hospital nung endokmar kong nungi tanurtem mesütsü ta shisabuluseta kidang mokozüa adoka kongreper ali nung ano ajak junga dang südi ta jembia arur na?

Kinunger    :     Onü, tanü asüng stroke ya wara ka ama kümogo niiii…..

Lilir : I Kilang Ajem, Dimapur.

Home  |  Jokes  |  Readers Articles  |  Daily Devotion  |  About Us  |  About Nagaland  | Horoscope | Disclaimer  |  Feedback  |  Contact