News: Local | National | International

Yimsüser o deacon na kati ka lutsüteper

Yimsüser   :     Hai temba, nenok dang asen arogopurtemi deacon ta masü, saka 'Hugon' tasa ajar aja. Aser aji tajatsü tim dang ajar-ah ta nia bilemer..

Deacon     :     Hai temba, na-a o ya terabo kümdanga jembiangma noo… Aji mesüra arogo nungi tenüng indoktsütsü akodi.. Kechi komaser onok dang "Hugon' ta ajar-ah ken jungjunga rasaa shiangma do..

Yimsüser   :     Ena, temba, item jakla yimya tamajung aika lir saka kanga tongtibang ana dang shidi…..

No. 1          :     Hugon ozüi kong tasümang lir, idakji medembanger raktepa achiba ama, nenok deacontemi kong rongsen tachitsü & tajemtsü tajangzük lir, iba nungji ketdangsütsü rakteper. Aji süaka kong tajangzük mali, saka nübotsük tali lir, ibala mapa nungjibo ketdang mesüner.

No. 2          :     Shiranger & timtemer kibongi sarasademi aodanga pei den puteper pei party-pur kidangi aodangbo na tama orr atar, saka ner meputeper kidangi aodangbo tatemtsü tiyazü o shir paitoka moi toktsür. Arogo nung tenzüker kaji ner puteper & meputeper ajak den kasa temeim alitsüla.

Deacon     :     Waaaa.. onok deacon dangang ajar masü, saka nenok yimsüser tanga nüburtemi kari 'Yimshishir' ta ajar aser ano kari 'Amshishir' tasa ajar aja…

Yimsüser   :     Hai temba, na O-ji kümdanga jembiangma noo.. yim salangi jaoka senchi achitsü akodi.. kechi komaser onok dang 'Yimshishir' & 'Amshishir' ta ajar-ah rasaa shiangjo….

Deacon     :     Ena temba, nenok jakla yimya tamajung aika dang lir, saka kanga tongtibang ana dang shidi noo…

No. 1          :     Nenok ya yimtsüng terenlok mapa atema jajar masü, saka pei yangko mechi yim atemer V.I.P ajak dangi amshishia meshi-metsüa senzür nung koda… aser sorkar nungi terenlok mapa atema sanction kar arunung, nenok lemsaa achitsü dang bilemer nung koda…

No. 2          :     Nütsüng nüburtem dakbo yi jemer tera dang asa peranga jajaa angu nung senchi achitsü. Saka nenok yimsüsertemibo yi agi longa oa meseper kima yimtong nung natsü & jana ajak yimshishia maksütsü o jembia senzür. Item ama jakla yimya yagi nüburtemi 'Yimshishir' & 'Amshishir' ta ajar aja….

Lilir : L. Kika Pongener, Aoyimküm.

Home  |  Jokes  |  Readers Articles  |  Daily Devotion  |  About Us  |  About Nagaland  | Horoscope | Disclaimer  |  Feedback  |  Contact